土木工程拓展署

新界單車徑網絡【安全態度．樂享騎單車之道】

新界單車徑網絡嘅屯門至馬鞍山主幹線已經喺2020年9月開通喇！相信大家都好享受一邊踩單車，一邊喺各個景點打卡嘅樂趣。但好多市民都未必知道响單車徑踩單車都要遵守交通規則同交通標誌，所以土木工程拓展署同道路安全議會合作，搵咗前香港單車代表隊運動員馬燕茹，製作推廣踩單車安全嘅宣傳短片。大家去踩單車之前，記得先睇短片，做足安全準備，咁樣踩單車就可以放心又開心喇。